បុរសម្នាក់មកពីទីក្រុង Detroit រដ្ឋ Michigan សហរដ្ឋអាមេរិកបានធ្វើឲ្យមនុស្សជាច្រើនហួសចិត្តជាខ្លាំងពេលបានឃើញវីដេអូថតសកម្មភាពចាក់សាំងឡាន។
សកម្មភាពហួសចិត្តដោយសារតែបុរសនោះខ្លាចពីងពាងពេក យកដែកកេះទៅអុជក្បែរកន្លែងចាក់សាំង បណ្ដាលឲ្យឆាបឆេះអណ្ដាតឡើងសន្ធោសន្ធៅ។
តាមប្រភពព័ត៌មានរបស់ Fox News បុរសដែលគេពុំស្គាល់អត្តសញ្ញាណខាងលើបានប្រាប់ប៉ូលិសថាគឺគាត់បានឃើញសត្វពីងពាងទំលើធុងសាំងឡានរបស់ខ្លួន។ ដោយខ្លាចសត្វនោះ គាត់ក៏ទាញយកដែកកេះទៅអុជដែលបណ្ដាលឲ្យភ្លើងឆាបសាំងឆេះឡើងតែម្ដងទៅ។
តាមសារព័ត៌មានដដែល មុនពេលក្រុមអ្នកជួយសង្គ្រោះមកដល់ បុរសខាងលើក៏បានយកបំពង់ពន្លត់អគ្គិភ័យទៅពន្លត់ភ្លើងអស់ និងពុំមានរងរបួសអ្វី ឬរងការខូចខាតធ្ងន់ធ្ងរនោះទេ៕
0 comments:
Post a Comment